İmtahanın ən yüksək nəticələri açıqlandı
İmtahanın ən yüksək nəticələri açıqlandı
29 May 2015 / 17:21 / Baxış sayı: 24
Font1 Font2 Font3 Font4
Загрузка...

Əvvəlki illərin məzunlarının qəbul imtahanlarında cəmi 36 nəfər 600-dən çox bal toplayıb

Tələbə Qəbulu üzrə Dövlət Komissiyası (TQDK) əvvəlki illərin məzunu olan abituriyentlərin imtahan nəticələrinə dair statistik məlumatını açıqlayıb.  TQDK mayın 17-də (II və III ixtisas qrupları üzrə) və 24-də (I və IV istisas qrupları üzrə) ali təhsil müəssisələrinə əvvəlki illərin məzunları üçün keçirdiyi qəbul imtahanlarında ümumilikdə 29004 abituriyent iştirak edib.
İmtahanda abituriyentlərə təqdim olunmuş test tapşırıqları ümumtəhsil məktəblərində istifadə olunan tədris proqramlarına və dərsliklərə tamamilə uyğun olub.
Qeyd edək ki, ilkin müsabiqə şərtlərinə əsasən I, II, III və IV ixtisas qruplarında (ödənişli əsaslarla olan ixtisaslar üzrə) müsabiqəyə ümumi balı 200-dən az olmayan abituriyentlər buraxılırlar. Əvvəlki illərin məzunu olan abituriyentlərin imtahan nəticələrini qruplar üzrə təhlili aşağıdakı kimidir.
I ixtisas qrupu üzrə imtahanda 11874 abituriyent iştirak etmiş, onlardan cəmi 963 nəfəri (8.11 faizi) 200 və daha yüksək bal toplayıb. 10911 nəfər 0-200 bal toplayıb. Bu da iştirakçıların 91.89 faizi deməkdir. 600-dən yuxarı bal toplayanların sayı isə 4 nəfər olub və və maksimal nəticə 647 baldır.

II ixtisas qrupu üzrə imtahanda 7224 nəfər iştirak edib. Bu qrupda imtahanda iştirak edənlərin 1117 nəfəri (15.46 faizi) 200 və daha yüksək bal toplayıb. 6107 nəfər 0-200 bal intervalında nəticə əldə edib ki, bu da iştirakçıların 84.54 faizi deməkdir. 2 nəfər 600-dən yuxarı bal toplayıb, maksimal nəticə 614 bal olub.

III ixtisas qrupu üzrə imtahanda 7812 nəfər iştirak edib. İştirakçıların 1934 nəfəri (24.76 faizi) 200 və daha yüksək bal toplayıblar. Beləliklə, 5878 nəfər 0-200 bal intervalında nəticə əldə etmişdir ki, bu da iştirakçıların 75.24 faizi deməkdir. Bu qrupda 600-dən yuxarı bal toplayanların sayı isə 10 nəfər olub və maksimal nəticə 680 baldır.

IV ixtisas qrupu üzrə imtahanda 2094 nəfər iştirak etmiş, onların cəmi 235 nəfəri (11.22 faizi) 200 və daha yüksək bal toplayıblar. Beləliklə, 1859 nəfər 0-200 bal intervalında nəticə əldə etmişdir ki, bu da iştirakçıların 88.78 faizi deməkdir. 600-dən yuxarı bal toplayanların sayı isə 10 nəfər olub və maksimal nəticə 670 baldır.

Bizimxeber.az



Şərh əlavə edin






Yuxarı Geri Ana səhifə