bizimxeber.az

İçtimai Siyasi Xəbər Portalı

Nazirlərlə bağlı dəyişikliklər ola bilər – Əli Əsədovun verəcəyi TƏKLİFLƏR…

1849 oxunma | Tarix: | 1 həftə öncə

2018-ci ilin aprelindən Nazirlər Kabinetinə rəhbərlik etməyə başlayan Novruz Məmmədov il yarımdan sonra istefa verdi. Prezident onun istefa ərizəsini qəbul edib və Baş nazir postuna özünün iqtisadi məsələlər üzrə köməkçisi Əli Əsədovu gətirib.

Əli Əsədovun Baş nazir təyin olunması növbəti kadr islahatlarından biri kimi qiymətləndirilə bilərmi? Digər sahələrdə də islahatlara ehtiyac varmı? Yeni Baş nazir hökumətdə kiminsə dəyişməsini təklif edəcəkmi?

Milli Məclisin deputatı Vahid Əhmədov mövzu barədə danışarkən deyib ki, ölkədə 1 ilə yaxındır ki, ciddi kadr islahatı aparılır: “Azərbaycanda 1 ilə yaxındır ki, çox ciddi kadr islahatları, iqtisadi və siyasi islahatlar həyata keçirilir. Yeni Baş nazir təyin olunub. Güman ki, onun də cənab Prezidentə müəyyən təklifləri olacaq. Kadr islahatlarını cənab Prezident aparır. Kimin dəyişməsindən, Baş nazir olmasından asılı olmayaraq  bütün islahatlara rəhbərliyi cənab Prezident edir. Ola bilsin ki, Baş nazirin müəyyən təklifləri olsun. Dəyişikliklərə münasibəti də cənab Prezident özü bildirəcək”.

XƏBƏRLƏR:  “Küçə yürüşünə cəhdin qarşısı alınıb” – BŞBPİ-dən açıqlama

Vahid Əhmədovun sözlərinə görə, nazirlərlə bağlı da dəyişikliklər ola bilər: “Nazirlər arasında kadr islahatlarının aparılması cənab Prezidentin mövqeyindən asılıdır. Ola bilər ki, Baş nazirin nazirlərlə bağlı təklifləri olsun. Ancaq həmin təkliflərin qəbul edilib-edilməyəcəyi cənab Prezidentin səlahiyyətində olan məsələlərdir.

İndi  Baş nazir ölkə iqtisadiyyatına, Nazirlər Kabinetinə  cavabdeh bir şəxsdir. Əgər iqtisadiyyatımızın daha da ciddi inkişaf etməsini, Prezidentin başlatdığı islahatların daha önəmli olmasını və  əhaliyə çatdırılmasını istəyiriksə, bu zaman mütləq müəyyən dəyişikliklərə getməyə ehtiyac var”.

XƏBƏRLƏR:  Erməni batalyonu Suriyada Türkiyəyə qarşı döyüşə yollandı

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir