Nazirlər Kabinetinin səlahiyyətlərindən birinin ləğv edildi
Nazirlər Kabinetinin səlahiyyətlərindən birinin ləğv edildi
15 Noyabr 2016 / 9:21 / Baxış sayı: 740
Font1 Font2 Font3 Font4
Bizimxeber

Nazirlər Kabinetinin mədəniyyət sahəsində səlahiyyətlərindən birinin ləğvi rəsmiləşib.

APA-nın məlumatına görə, bu, Azərbaycan prezidenti İlham Əliyevin “Mədəniyyət haqqında” Azərbaycan Respublikasının Qanununda dəyişiklik edilməsi barədə” 2016-cı il 30 sentyabr tarixli qanununun tətbiqi və “Mədəniyyət haqqında” 2012-ci il 21 dekabr tarixli qanununun tətbiqi barədə” Azərbaycan Respublikası Prezidentinin 2013-cü il 15 fevral tarixli 828 nömrəli fərmanında dəyişikliklər edilməsi haqqında” 14 noyabr 2016-cı il tarixli fərmanında əksini tapıb.
Bu il sentyabrın 30-da “Mədəniyyət haqqında” qanuna edilən dəyişikliyə əsasən peşəkar yaradıcılığın meyarlarının müvafiq icra hakimiyyəti orqanı tərəfindən müəyyən edilməsi barədə müddəa ləğv edilib. Peşəkar yaradıcılığın meyarlarının müəyyən edilməsi sahəsində məsul orqan Nazirlər Kabineti olub. Bununla əlaqədar “Mədəniyyət haqqında” Azərbaycan Respublikasının 2012-ci il 21 dekabr tarixli 506-IVQ nömrəli Qanununun tətbiqi barədə” Azərbaycan Respublikası Prezidentinin 2013-cü il 15 fevral tarixli fərmanı ilə Nazirlər Kabinetinə bu sahədə verilən səlahiyyət də ləğv edilib.

Bizimxeber.az 



Şərh əlavə edin







Yuxarı Geri Ana səhifə