Millimizin baş məşqçisi Rioda polis şöbəsinə aparılıb? – Açıqlama
Millimizin baş məşqçisi Rioda polis şöbəsinə aparılıb? – Açıqlama
10 Avqust 2016 / 11:03 / Baxış sayı: 816
Font1 Font2 Font3 Font4
Bizimxeber

Rioda keçirilən Olimpiya Oyunlarında iştirak edən cüdo üzrə milli komandamızın baş məşqçisi polis şöbəsinə aparılıb.

Bu barədə rekord.az saytı məlumat yayıb. Bildirilir ki, cüdoçularımızın düşərgəsində bir gün sonra yarışa çıxmağa hazırlaşan yığmamızın məşqi zamanı yerli mühafizə xidməti aranı qatıb. Braziliyalılar naməlum səbəblərdən cüdoçuların çalışmalarına mane olub. Bu isə baş məşqçimiz Peter Zeyzenbaxerin xoşuna gəlməyib və o, etirazını bildirib. Milli komandanın məsuliyyətli yarışdan cəmi bir gün əvvəl belə təzyiqə məruz qalması avstriyalı mütəxəssisi özündən çıxarıb. Məsələ böyüyüb. Nəticədə Zeyzenbaxer polis şöbəsinə aparılıb və 4 saat orada saxlanılıb.

Aznews.az-ın əməkdaşı məsələyə aydınlıq gətirmək üçün Azərbaycan Cüdo Federasiyasının mətbuat xidmətinin rəhbəri Elnur Əşrəfoğlu ilə əlaqə saxlayıb. Federasiya rəsmisi iddiaları təqzib edib: “Bu xəbəri yayanlara nə deyəsən? Heç bir sözüm yoxdur. Belə bir şey olmayıb Bu Cüdo Federasiyasının yeni rəhbərliyinin son 9-10 aydakı fəaliyyətini gözü götürməyənlərin işidir. Bu cür məlumatlar məqsədli şəkildə ötürülür. Sabah da medal qazansaq yəqin yazarlar ki, Elnur Əşrəfoğlu Braziliyadan Argentinaya qaçıb”.

Bizimxeber.az



Şərh əlavə edin







Yuxarı Geri Ana səhifə