bizimxeber.az

İçtimai Siyasi Xəbər Portalı

“Maşın” şansını itirən Kərim: Yaxşı ki birinci mən çıxdım – VİDEO

1002 oxunma | Tarix: | 2 həftə öncə

Xəbər verdiyimiz kimi, ötən gecə “Maşın” realiti şousunun ilk efir oyunu baş tutub. Səsvermə nəticəsində doqquz məşhur Aşıq Namiq Fərhadoğlunun şəkilini atıb. Bundan sonra o, tribunaya çıxaraq, oyunda qalması üçün tamaşaçılardan səs istəyib. Amma oyundan kimi çıxaracağını deməyib.

Oyunun növbəti dəqiqələrində müğənni Kərim Abbasov mikrofon önünə keçərək, özünü oyunda “qurban” gördüyünü və Namiqin onu çıxacağını bildirib. Abbasov tamaşaçılardan Fərhadoğlunun “getməsinə” səs göndərmələrini rica edib.

Lakin Kərimin oyunda qalmaq istəyi baş tutmayıb. Aşıq Namiq 69,41 faiz səs toplayaraq, Kərimi oyundan kənarlaşdırıb. Beləliklə, “Maşın”ın ilk efir günündə Kərim Murad Dadaşovdan “Maşın əldən getdi” sözünü eşidərək, şou ilə vidalaşıb. Oyundan Fərhadoğlunun əli ilə çıxan Abbasov qalmaqallı açıqlamaları ilə gündəmdədir.

XƏBƏRLƏR:  “Hərə öz ailəsini güclə dolandırır” - Manaf toysuzluqdan şikayətləndi

O bildirib ki, oyunda iştirak edən bəzi iştirakçılar ikiüzlü və mindillidirlər.

“Oyunda bir-birinin altını qazıb, kələk gələn insanları görəndə şoka düşürəm ki, insanların neçə siması var, hansı dinə, mənsəbə qulluq edirlər? Onlardan başım çıxmır. Çalışın, bir üzünüz, bir simanız olsun. Amma çətin olsun. Mən şouda iştirakım zamanı gördüyümü gördüm. Dəhşətdir. Hələ yaxşıdır ki, birinci çıxan mən oldum. Bundan sonra hələ çox qırğınlara şahid olacağıq. Xeyirlisi mənim çıxmağımdır” .

XƏBƏRLƏR:  “Səndən ayrılacam...” - Nüşabə Ələsgərlidən ərinə qadağa – Video

Qeyd edək ki, realiti şouda meyxanaçı Aqşin Fateh, Ayan Babakişiyeva, aparıcı Kəmalə Piriyeva, Xalq artisti Bilal Əliyev, aşıq Namiq Fərhadoğlu, Türkan Vəlizadə, aparıcı Suna Kasımoğlu, Nazim Pişyari, repçi Qurd, Niyam Salami, Ramal İsrafilov, Aysun İsmayılova, Əməkdar artist Fatma Mahmudova, aparıcı Zümrüd Qasımova, Fuad Musayev, aparıcı Lalə Mustafayeva, aktyor Məcid Hüseynov iştirakını davam etdirir.

Rəşad Əliyev 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir