Məktəblərə istiliyin tez verilməsi mümkündürmü? – RƏSMİ
Məktəblərə istiliyin tez verilməsi mümkündürmü? – RƏSMİ
28 Oktyabr 2016 / 14:45 / Baxış sayı: 970
Font1 Font2 Font3 Font4
Bizimxeber

“Havaların kəskin soyuması ilə əlaqədar sosial obyektlərə, o cümlədən orta ümumtəhsil məktəblərinə istiliyin verilməsi nəzərdə tutulmuş vaxtdan, yəni noyabr ayının 15-dən daha tez baş tuta bilər”.

Bizimxeber.az  bildirir ki, bunu  açıqlamasında “Azəristiliktəchizat” ASC-nin Abonent və müştəri xidmətlərinin rəisi Rafiq Əliyev deyib.

R. Əliyev bildirib ki, bunun üçün həmin tədris müəssisələrindən müraciət daxil olmalıdır.

“Bu məsələ “Azəristiliktəchizat” ASC ilə Bakı şəhər Təhsil İdarəsi, regional təhsil idarələri arasında bağlanan müqavilələrlə tənzimlənir. Müqavilə 5 aylıq müddətə bağlanır, çünki dövlət tərəfindən onlara 5 aylıq limit ayrılıb. Əgər müvafiq müraciətlər daxil olarsa, biz istiliyin verilişini vaxtından əvvələ həyata keçirə bilərik. Hazırda bir sıra internat məktəbləri, doğum evi, xəstəxanalar tərəfindən müraciətlər daxil olduğundan biz həmin müəssisələri istiliklə təmin edirik. Lakin orta məktəblərdən hələlik müraciət daxil olmayıb. Yalnız dağlıq ərazilərdə istiliyin verilişinə noyabr ayının 1-dən başlanacaq”, – deyə o vurğulayıb.

Qeyd edək ki, havaların soyuq keçməsi ilə əlaqədar orta məktəb şagirdləri arasında xəstələnmə halları artdığına görə istilik təchizatına daha tez başlanması məsələsi gündəmə gəlib.

Bizimxeber.az 



Şərh əlavə edin







Yuxarı Geri Ana səhifə