bizimxeber.az

İçtimai Siyasi Xəbər Portalı

Lalə Şövkət nə işlə məşğuldur?

282 oxunma | Tarix: | 3 ay öncə

Keçmiş dövlət katibi, Azərbaycan Liberal Partiyasının (ALP) lideri Lalə Şövkət Hacıyeva uzun müddətdir ki, ictimaiyyət arasında görünmür. Onun sabiq prezident Ayaz Mütəllibovun xanımının dəfn mərasimində iştirak etməməsi də nəzərdən qaçmadı. Lalə xanımın xeyli zamandır ki, mediadan uzaq olmasının əsas səbəbi nədir? Qarşıda  nə kimi planları var?  Olmaya xanım siyasətçi siyasi karyerasını bitirib?

Bizimxeber.az xəbər verir ki, bu barədə Modern.az-a Lalə Şövkətin yaxın silahdaşı, ALP sədri  Əvəz Temirxan danışıb. Əvəz Temirxan bildirib ki, Lalə Şövkətin siyasi taktikası mətbuatsız işləməkdir və hazırda onun böyük  planı var.

XƏBƏRLƏR:  Aqil Abbas: Niyə xəstəxanalarda rüşvət baş alıb gedir? - VİDEO

“Mətbuata böyük hörməti olsa da, o media ilə işləmir. Lalə Şövkət başda olmaqla Liberal Partiyada tarixdə görünməmiş böyük bir siyasi barışıq planı hazırlanıb. Bunun həyata keçməsi üçün ilk növbədə iqtidarın xoş məramı lazımdır. Bu isə çox təssüf olsun ki, Azərbaycanda yoxdur.

Həqiqətən də Lalə Şövkət bütün Azərbaycanı barışdırmaq, birləşdirmək barədə böyük plan hazırlayıb. Lakin iqtidarın içərisində bəzi qüvvələr var ki, bu planın baş tutmasını istəmir. Onu da qeyd edim ki, bu plan Azərbaycanı öz miqyasına görə dünyada birinci ölkə edə bilər.

XƏBƏRLƏR:  Azərbaycanda daha bir nazir vəzifəsindən azad olunacaq

Lalə xanımda bu fikir siyasətə gələndən var. Hətta dövlət katibiykən 1993-cü ildə yenicə ölkə rəhbəri seçilmiş Heydər Əliyevə təklif etmişdi ki, onun prezident kimi andiçmə mərasimində Ayaz Mütəllibovla Elçibəy də iştirak etsin. Bununla o istəyirdi ki, Heydər Əliyevlə onların hər biri eyni sırada otursun və bütünlüklə hamı görsün ki, Azərbaycan xalqı birdir. Lakin təssüf ki, o zaman bu niyyətini gerçəkləşdirə bilmədi”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir