Kaxa Kaladze baş nazir müavini və nazir vəzifələrindən istefa verdi
Kaxa Kaladze baş nazir müavini və nazir vəzifələrindən istefa verdi
08 Sentyabr 2016 / 19:34 / Baxış sayı: 830
Font1 Font2 Font3 Font4
Bizimxeber

Gürcüstanda iki nazir istefa verib.

APA-nın məlumatına görə, bunlar baş nazirin müavini, energetika naziri Kaxa Kaladze və kənd təsərrüfatı naziri Otar Daneliyadır.

Hər iki nazir “Gürcü Arzusu-Demokratik Gürcüstan” partiyasından parlament seçkilərində iştirak etmək üçün deputatlığa namizədliyini irəli sürüb. Qanunvericiliyə əsasən, seçkilərə qatılan deputatlığa namizədlər öz vəzifələrindən istefa verməlidir. Gürcüstanın Mərkəzi Seçki Komissiyasının məlumatına görə, “Gürcü Arzusu-Demokratik Gürcüstan” partiyasının baş katibi olan K. Kaladze proporsional siyahı üzrə ikinci yerdədir. Məhz buna görə, o, vəzifəsindən istefa verməlidir.

Partiyanın sədri Giorgi Kvirikaşvili isə həm siyahı üzrə birinci yerdə olduğuna, həm də ölkənin baş naziri olduğuna görə seçkilərdə iştirak edəcək və yeganə vəzifəli şəxs olaraq öz postunu tərk etməyə bilər.

Bu gün axşam “Gürcü Arzusu-Demokratik Gürcüstan” partiyası özünün seçki proqramını təqdim edəcək.

Bizimxeber.az 



Şərh əlavə edin







Yuxarı Geri Ana səhifə