İşdən çıxarılan prorektorun “NUR” məscidi aşkarlandı –Yardımlıda – YENİLƏNİB
İşdən çıxarılan prorektorun “NUR” məscidi aşkarlandı –Yardımlıda – YENİLƏNİB
25 Avqust 2016 / 15:05 / Baxış sayı: 880
Font1 Font2 Font3 Font4
Bizimxeber

Qafqaz Universitetinin işdən çıxarılan prorektoru Şaiq Nəbiyevlə bağlı maraqlı məlumatlar üzə çıxıb. Lent.az AzNews.az-a istinadən xəbər verir ki, Nəbiyev Azərbaycanda Fətullah Gülənin əsas təbliğatçılarından bir hesab olunur.

O, təmsil etdiyi cərəyan üçün kifayət qədər böyük işlər görmüş adam kimi həmişə “gülənçilərin” diqqət mərkəzində olub. Araşdırma zamanı məlum olur ki, Nəbiyev nurçuluğun təbliği üçün bir məscid də tikdirib.

Yardımlı rayonunun Ostayır kəndində anadan olan Şaiq Nəbiyev məscidi elə öz kəndində inşa etdirib. Məlumata görə, Nəbiyev 2000-ci illərdə kənddə köhnə şiə məscidin yerində ucaltdırdığı məscidin adını da “Nur” qoyub.

Məlumatı dəqiqləşdirmək üçün kənd sakinləri ilə əlaqə saxlanılıb. Sakinlər xəbəri təsdiqləyiblər. Onların sözlərinə görə, sözügedən məscidə “Nur” adının qoyulması kənddə narazılıqla qarşılanıb. Əhalisi şiə olan kənd sakinlərinin uzun mübarizəsindən sonra, cəmi bir neçə il əvvəl həmin “NUR” sözü məscidin üstündən sökülüb. Yalnız bundan sonra camaat məsciddən istifadə etməyə başlayıblar.

Məlumat üçün bildirək ki, Yardımlı camaatı qatı şiədir, onlar nəinki hansısa cərəyana, hətta sünnilərə qarşı radikal kəsim hesab olunur.

Xatırladaq ki, Qafqaz Universitetin tərbiyə işləri üzrə prorektoru və Rəyasət Heyətinin üzvü Şaiq Nəbiyev vəzifəsindən bu gün azad olunub və RH-nin üzvlüyündən çıxarılıb.

Bizimxeber.az

 



Şərh əlavə edin







Yuxarı Geri Ana səhifə