“İrana qaçaq keçib, izi itirəcəkdim”- Prorektorun seyfini yaranlar
“İrana qaçaq keçib, izi itirəcəkdim”- Prorektorun seyfini yaranlar
01 Dekabr 2016 / 15:58 / Baxış sayı: 742
Font1 Font2 Font3 Font4
Bizimxeber

Odlar Yurdu Universitetinin birinci prorektoru Munir Vəliyevin iş otağından oğurluqda təqsirləndirilən Sübhan Ələkbərov Pərviz Quliyev, Həzrət Məmmədov, Vüqar Vəliyev, Mirsənan Seyidov, Fərahim Baxışlı və Ramin Abbasovun cinayət işi üzrə məhkəmə davam edib.

Bakı Ağır Cinayətlər Məhkəməsində  hakim Rasim Sadıqovun sədrliyi ilə keçirilən prosesdə təqsirləndirilən Vüqar Vəliyev ifadə verib. O, ifadəsində ittiham üzrə özünü təqsirli hesab etməyib. “Bu işi qurmamışam. Pul çatmayıb mənə. Sübhan da qeyd etdi ki, pulun 20 mini mənə verilməliydi. Polisə də etiraf etdim ki, pulu Sübhan aparıb. Minur müəllim mənə zəng elədi, Sübhanın yerini soruşdu, polislərə onun ünvanını göstərdim”.

Təqsirləndirilən Sübhan Ələkbərov V. Vəliyevin ifadəsinə etiraz edib: “Planı birlikdə qurmuşuq. Hətta izi itirmək üçün əvvəlcə İrana gedim, sonra qaçaq yolla Azərbaycana gəlib prorektorun iş otağından seyfi oğurlayım, sonra yenə İrana qayıdım. Yəni, araşdıranda görsünlər ki, mən İranda olmuşam”.

Proses dekabrın 13-ü davam etdiriləcək. Qeyd edək ki, təqsirləndirilən şəxslər Odlar Yurdu Universitetinin birinci prorektoru Munir Vəliyevin iş yerindən oğurluq etməkdə, ona ümumilikdə 429 min 172 manat dəyərində ziyan vurmaqda ittiham olunurlar.

Bizimxeber.az



Şərh əlavə edin







Yuxarı Geri Ana səhifə