“İndi pulum yoxdur, gəlib uşağı aparacam” – Anadan şok açıqlama
“İndi pulum yoxdur, gəlib uşağı aparacam” – Anadan şok açıqlama
16 Avqust 2016 / 17:40 / Baxış sayı: 1236
Font1 Font2 Font3 Font4
Bizimxeber

Bakıda ana körpə qızını mağazada işləyən tanımadığı qadının yanında qoyub gedib. Qaynarinfo.Az xəbər verir ki, bu barədə Elnara Quliyeva Kərimova adlı istifadəçi sosial şəbəkədə yazıb:

“Bu gün ağır gün keçirtdim… Bilmirəm, hisslərimi necə, hansı sözlərlə düzgün ifadə edim, bilmirəm… Sifarişimlə bağlı tanış bir dükana girdim. Xeyli söhbət etdikdən sonra gördüm, balaca, 2 yaşında körpə qız yanında qısılıb sakit oturub. 2 yaşlı uşağın sakit oturmağı… Bu, içindəki acının dəhşətidir. Qız dedi: “21 gün öncə bir qadın gəldi ki, bu uşağı saxla, gəlirəm, çantam çöldə qalıb.

O gedən gedib. Bu cümlələri eşidəndə ayağımın altından yer qaçdı. Məni tanıyanlar bilirlər ki, körpələrə və yaşlılara qarşı çox həssasam. Hönkürtü ilə körpəyə sarıldım. İnanmazsınız, körpə saçımı iyləyib boynuma elə sarıldı ki… Bu həyatda övladdan qiymətli nə ola bilər? Bu şeytan qəlbli… nə bilim, söz tapa bilmirəm… Belə şərəfsiz, əxlaqsız, cin ruhlu insanlara niyə Allah övlad verir?

Uşaqla xeyli vaxt keçirtdik, gəzdik, oynadıq. Ayrılanda da dalımca ağladı. Ona 21 gün baxan tanışıma bir az öyrəşib. Birtəhər başını qatıb gizlənə-gizlənə çıxdım. Bəlkə, bu uşağın qohumları, qonşuları gördülər. Məlumatı olan yazsın…”
Qaynarinfo.Az məlumatda qeyd olunan uşağın olduğu mağazada olub. Mağazanın satıcısı bildirib ki, xəbərin mətbautda yayılmasından sonra gəlib uşağı aparıblar: “Anası zəng edib, deyib ki, xəbəri sosial şəbəkələrdən yığışdırsınlar, gəlib uşağı aparacam. Deyib ki, indi pulum yoxdur, bir neçə günə gəlib, uşağı aparacam. Hazırda uşaq onu indiyədək saxlayan qadındadır”. Mövzunu diqqətdə saxlayacağıq…
Bizimxeber.az


Şərh əlavə edin







Yuxarı Geri Ana səhifə