“Hafka”nın klubu acınacaqlı vəziyyətdə – Bağlana bilər
“Hafka”nın klubu acınacaqlı vəziyyətdə – Bağlana bilər
23 İyul 2016 / 16:34 / Baxış sayı: 1222
Font1 Font2 Font3 Font4
Bizimxeber

Hazırda I divizionda çıxış edən “Bakı” klubunun vəziyyəti acınacaqlıdır. Hafiz Məmmədovun rəhbəri olduğu idman klubu maliyyə problemləri yaşayır. Məlumatda bildirilir ki, belə davam edərsə “Bakı” klubunu da “Xəzər Lənkəran”ın aqibəti gözləyə bilər.

Belə ki, maliyyə problemi həll olunmazsa, “Bakı” klubu da “Xəzər Lənkəran” kimi fəaliyyətini yalnız akademiya istiqamətində davam etdirəcək. Lakin akademiyanın özündə də gəlir gətirən sahələr yoxdur. Bu səbəbdən də klub rəhbərliyi sponsor axtarışındadır.

Onu da bildirək ki, klubun rəhbər şəxsləri hər dəfə yenilik etmək, uğurlu addım atmaq istəsə də, bunun üçün bəzi layihələr, iş planları hazırlasa da, hamısı fiaskoya uğrayır, “Bakı”lılar uğursuzluq zolağından çıxa bilmirlər.

Xatırladaq ki, “Bakı” klubunun vergi borcları səbəbindən vitse-prezidenti, Hafiz Məmmədovun qardaşı Zeynal Məmmədovun ölkədən çıxışına qadağa qoyulub. Amma indi onun harada olduğu bilinmir.

Bizimxeber.az



Şərh əlavə edin







Yuxarı Geri Ana səhifə