Görmə əngəlli Xətai Azayev BDU-nun jurnalistika fakültəsinə daxil olub
Görmə əngəlli Xətai Azayev BDU-nun jurnalistika fakültəsinə daxil olub
12 Avqust 2016 / 14:05 / Baxış sayı: 600
Font1 Font2 Font3 Font4
Bizimxeber

154 abituriyent arasında “jurnalistika” ixtisasına imtahan verən görmə əngəlli Xətai Azayev arzusuna çatıb.

Xətai Azayev Bakı Dövlət Universitetinin jurnalistika fakültəsinə daxil olub.

Bundan başqa, Xətainin qardaşı Hüseyn Azayev də tələbə adını qazanıb. O, Azərbaycan Texniki Universitetinin nəzdində Bakı Dövlət Rabitə və Nəqliyyat Kollecinə daxil olub.

Qeyd edək ki, Xətai Azayev bu il “jurnalistika” ixtisasına qabiliyyət imtahanı verən və məqbul qiymət alan 154 nəfərdən biridir. Görmə əngəlli Xətai durmadan çalışıb və istəyinə çatıb. 24 yaşlı bu gənc 3 il qəbul imtahanlarında uğurlu nəticə göstərə bilməyib. Bu il isə imtahanda 324 bal toplayıb.

Jurnalistikaya xüsusi marağı olan gənc indi məqsədinə çatsa da gələcəkdə jurnalistika sahəsində çalışmaq istəyir.

Xatırladaq ki, Tələbə Qəbulu üzrə Dövlət Komissiyası (TQDK) 2016/2017-ci tədris ili üçün ali təhsil müəssisələrinə yerləşdirmənin nəticələrini elan edib. Ali təhsil müəssisələrinin müsabiqəsində 38118 abituriyent iştirak edib. Onlardan 34224 nəfəri ali təhsil müəssisələrinə qəbul olunub. 12309 nəfər dövlət sifarişi əsasında, 21915 nəfər isə ödənişli əsaslarla təhsil almaq hüququ əldə edib. (azvision)

Bizimxeber.az



Şərh əlavə edin







Yuxarı Geri Ana səhifə