Dollar dörd həftəlik minimumu yenilədi
Dollar dörd həftəlik minimumu yenilədi
22 Sentyabr 2016 / 11:25 / Baxış sayı: 1160
Font1 Font2 Font3 Font4
Bizimxeber

Federal Ehtiyatlar Sisteminin (FES) uçot dərəcəsi ilə bağlı verdiyi qərardan sonra bu gün dolların Yaponiyanın milli valyutası olan yenə qarşı məzənnəsi 4 həftəlik minimuma enib.

APA xəbər verir ki, ticarət sessiyası ərzində dollar 100,10 yen səviyyəsinə çatıb. Bu isə avqust ayının 26-dan etibarən minimum göstəricidir. Daha sonra itkilərini bir qədər bərpa etməyi bacaran dollar hazırda 100,22 yen səviyyəsində qərarlaşıb. Avro isə 0,1% bahalaşaraq 1,1199 dollar səviyyəsində qərarlaşıb. Analitiklər FES-in ikigünlük iclasından sonra dərc olunan protokoldakı bəzi maraqlı məqamlara diqqət yetirirlər. Məsələn, belə məqamlardan biri ilin sonunadək uçot dərəcəsinin 2 deyil, 1 dəfə artırılacağıdır. Buna FES rəhbəri Canet Yellen də işarə edib.

Ekspertlər qeyd edirlər ki, qarşıdakı azı 3 ildə aqressiv şəkildə faiz artımını gözləməyə dəyməz. Bu fonda dolların bir qədər də zəifləyəcəyi proqnozlaşdırılır.

Bizimxeber.az 



Şərh əlavə edin







Yuxarı Geri Ana səhifə