Aygün Bəylərin qohumunu öldürən qardaşı danışdı – VİDEO
Aygün Bəylərin qohumunu öldürən  qardaşı danışdı – VİDEO
31 Avqust 2016 / 13:06 / Baxış sayı: 1028
Font1 Font2 Font3 Font4
Bizimxeber
Xəbər verdiyimiz kimi, Əməkdar artist Aygün Bəylərin üç il əvvəl itkin düşmüş əmisi nəvəsi Elnur Hümbətovun öldürüldüyü məlum olub. Onun nəşinin qalıqları aşkar edilib. Cinayətlə bağlı müğənninin qardaşı Abbas Hümmətov də daxil olmaqla 5 nəfər həbs edilib.
Bizimxeber.az  Region TV-yə istinadən xəbər verir ki, saxlanılan şəxslərdən biri Ramil Əsirov ifadə verib.
“Suraxanıdan keçirdik, gördük ki, o da yoldadır, bizim maşına oturdu, getdik Qalaya. Bir gün qaldıq, səhərisi söhbət elədik. Elvinlə söhbət edəndə mən ayaqyoluna keçdim. Elvinə müqavimət göstərdi, Elvin onu yerə yıxdı, boynundan tutdu, mən də ayaqlarından tutdum. Fuad dedi ki, get balış götür. Mən balış götürməyə gedəndə Elmir bayıra çıxmışdı, yox idi, qorxmuşdu. Mən çatanda artıq boğulmuşdu, ölmüşdü. “Skoç”la bağladıq, atdıq dərəyə, üstünə beton tökdük”.
Əməkdar artistin qardaşı Abbas Hümmətov bildirib ki, o gələndə artıq Elnur Hümbətov öldürülmüşdü:
“Mən səhər gəldim, məni dükana göndərdilər ki, “skoç” alım. Qayıdanda yolda Elmiri gördüm, götürüb evə apardım. Gəldim bağa, gördüm ki, öldürüblər, mən də evə getdim. Axşam Ramil zəng vurdu ki, gəl, apar bizi evə. Bir az qum qalmışdı həyətdə, onu da yaydıq. Ramili götürüb getdim”.
Polis və prokurorluq orqanları əməkdaşları tərəfindən hadisə yerinə birgə baxış keçirilib və Elnur Hümbətovun meyitinin qalıqları basdırıldığı yerdən ekskumasiya olunaraq Məhkəmə Tibbi Ekspertiza və Pataloji Anatomiya Birliyinə göndərilib.
Qeyd edilən fakta bağlı Suraxanı Rayon Prokurorluğunda cinayət işi başlanılıb və iş digər istintaq hərəkətlərinin davam etdirilməsi üçün Bakı Şəhər Prokurorluğuna göndərilib.
Bizimxeber.az 



Şərh əlavə edin







Yuxarı Geri Ana səhifə