Astarada zəvvarların etiraz aksiyası
Astarada zəvvarların etiraz aksiyası
14 Noyabr 2016 / 15:11 / Baxış sayı: 642
Font1 Font2 Font3 Font4
Bizimxeber

Azərbaycan Dövlət Gömrük Komitəsi (DGK) Astara Sərhəd-Nəzarət Buraxılış Məntəqəsinin giriş qapısında yaranan sıxlığa münasibət bildirib.

Virtualaz.org-un məlumatına görə, Komitənin mətbuat xidmətinin yaydığı açıqlamada bildirilir ki, ötən gündən etibarən vətəndaşların müqəddəs ziyarətgahlara səyahət etməsi ilə əlaqədar İran İslam Respublikası ilə sərhəddə yerləşən Astara Gömrük İdarəsində noyabrın 13-də nisbi sıxlıq müşahidə olunub: “Sıxlığın aradan qaldırılması məqsədilə Astara Gömrük İdarəsi gücləndirilmiş iş rejimində fəaliyyət göstərir. Belə ki, son 1 gündə Astara Gömrük İdarəsi vasitəsi ilə 49 ədəd avtobus, 40 ədəd yüngül minik avtomobilinin, 3700-dən artıq sərnişinin keçidi təmin olunub ki, bu da sərhəd-keçid məntəqəsinin potensialından 3 dəfə çoxdur.

Hazırda ötən günlə müqayisədə sərhəd-keçid məntəqəsində sıxlıq azalıb və bu istiqamətdə həyata keçirilən müvafiq tədbirlər nəticəsində günün sonuna qədər sıxlıq tam aradan qaldırılacaq”.

*   *   *13:54

Zəvvarların “Ərbəin” ziyarətinə getməsinin Astara Sərhəd-Nəzarət Buraxılış Məntəqəsində (SNBM) tıxacların yaranmasına səbəb olduğu barədə dünən azadliq.org-a istinadən xəbər vermişdik. “Report” bir daha xatırladır ki, axşam saatlarından buraxılış məntəqəsinə çatan zəvvarlar uzun növbə gözləməli olurlar. Zəvvarlar bildiriblər ki, növbədə gözləyərkən məntəqənin giriş qapısında sıxlıq yaranıb. “Növbə yaranan ərazidə insaların təbii və fiziki ehtiyaclarını ödəməsi üçün heç bir infrastruktur yoxdur. Növbə zamanı isə qocalar, xəstələr, uşaqlar və qadınlar əzilirlər”, – zəvvarlardan biri əlavə edib.

Qeyd edək ki, Astara Gömrük İdarəsinin Astara Sərhəd-Nəzarət Buraxılış Məntəqəsi (SNBM) saat 9-dan 20-yədək fəaliyyət göstərir. Zəvvarlar növbə tutmaq üçün buraxılış məntəqəsinin qarşısına axşam saatlarından yığılırlar.

Bizimxeber.az



Şərh əlavə edin







Yuxarı Geri Ana səhifə