ABŞ Azərbaycan Gəmiçiliyində yoxlama aparır
ABŞ Azərbaycan Gəmiçiliyində yoxlama aparır
04 Noyabr 2016 / 14:00 / Baxış sayı: 924
Font1 Font2 Font3 Font4
Bizimxeber

Nüfuzlu təsnifat və sertifikatlaşdırma qürumu olan “Amerika Gəmiçilik Bürosu” “Azərbaycan Xəzər Dəniz Gəmiçiliyi” QSC-də beynəlxalq auditə start verib. 

QSC-dən Trend-ə verilən məlumata görə, audit 2015-ci ilin IV rübündən tətbiq edilən “Təhlükəsizliyin Keyfiyyətli İdarə edilməsi Sistemi” (TKİS) İSO 9001:2015 (Keyfiyyətin Menecmenti), İSO 14001:2015 (Ekoloji Menecment), İSO 50001:2011 (Enerji Səmərəliyi Menecmenti) və OHSAS 18001:2007 (Peşə Təhlükəsizliyi və Əməyin Mühafizəsi Menecmenti) üzrə beynəlxalq idarəetmə standartlarına uyğun aparılır. Audit idarəetmə aparatının struktur bölmələrində və TKİS-in əhatə dairəsini genişləndirmək məqsədilə ”Yarenqa” yedək-təchizat və “Şirvan” kran gəmilərində də keçiriləcək.

Audit zamanı sahil və üzən obyektlərdə işin təşkili və sənədləşmənin TKİS-ə və beynəlxalq idarəetmə standartlarına uyğunluq səviyyələri müəyyənləşdiriləcək və aidiyyati xidmətlərlə araşdırılaraq təhlil ediləcək.

Qeyd edək ki, audit noyabrın 7-dək davam edəcək.

Bizimxeber.az



Şərh əlavə edin







Yuxarı Geri Ana səhifə