48 yaşlı İran velosipedçisi Paralimpiya Oyunları zamanı öldü – VİDEO
48 yaşlı İran velosipedçisi Paralimpiya Oyunları zamanı öldü – VİDEO
18 Sentyabr 2016 / 10:23 / Baxış sayı: 552
Font1 Font2 Font3 Font4
Bizimxeber

İran velosipedçisi Bəhmən Qolbarnejad Rio-de-Janeyroda keçirilən XV Yay Paralimpiya Oyunlarında şosse yarışı zamanı qəzaya düşüb və xəstəxanaya aparılarkən yolda keçinib.

Bizimxeber.az xəbər verir ki, bu barədə Braziliyanın “Qlobo” telekanalı məlumat yayıb.

48 yaşlı Qolbarnejad yarış zamanı yıxılıb və kəllə-beyin travması alıb. Xəstəxanaya aparılarkən isə onun yolda ürəyi dayanıb və həkimlər idmançının həyatını xilas edə bilməyiblər. İranın Paralimpiya Komitəsi onun öldüyünü artıq təsdiq edib.

Yarış zamanı avstraliyalı Alistayr Donohoe və ukraynalı Yeqor Dementyev də zədələnib. Bu 2 idmançının toqquşma səhnəsini təqdim edirik:

 

Qeyd edək ki, Rio-de-Janeyro Yay Paralimpiya Oyunlarına sentyabrın 18-də yekun vurulacaq. Bağlanış mərasimi zamanı 1 dəqiqəlik sükut elan olunacaq. Bundan başqa, Paralimpiya kəndində və voleybol üzrə İran – Bosniya və Herseqovina finalında Paralimpiya bayrağı yarıyadək endiriləcək.

Bizimxeber.az



Şərh əlavə edin







Yuxarı Geri Ana səhifə