Əli Mirəliyevin oğlu polisə bıçaq çəkdi
Əli Mirəliyevin oğlu polisə bıçaq çəkdi
26 Avqust 2016 / 14:52 / Baxış sayı: 1710
Font1 Font2 Font3 Font4
Bizimxeber

Paytaxtda Azərbaycanın tanınmış müğənnilərindən birinin oğlu ilə DYP əməkdaşları arasında insident yaşanıb.

Bu barədə azxeber.com-a hüquq-mühafizə orqanlarından məlumat daxil olub.

Belə ki, Bakıda Səbail rayon ərazisində DYP əməkdaşı qaydanı pozan sürücünü saxlayıb. Qaydanı pozmadığını iddia edən sürücü yol polisi ilə mübahisə etməyə başlayıb və tərəflər əlbəyaxa davaya keçiblər. Buna səbəblərdən biri də yol polisinin sürücü ilə kobud rəftarı və özündənrazılığı olub. Belə münasibət qarşısında sürücü bıçaq çıxarıb və nəticədə bıçaqla özünə xəsarət yetirib.

Hadisə yerinə gələn Post Patrul Xidmətinin (PPX) əməkdaşları sürücünü həbs edərək polis bölməsinə aparıblar.

Əldə edilən məlumata görə, polisə bıçaq çəkən sürücü Əli Mirəliyevin oğlu olub. O, polislərə kriminal aləmdə tanınmıış qanuni oğrularla dostluq münasibəti olduğunu və buna görə onların cəzalandırılacağını deyib.

Məsələ ilə bağlı Əli Mirəliyevin özü ilə də əlaqə saxlanılıb. Müğənni faktı təsdiqləyib və hazırda oğlunun azadlıqda olduğunu bildirib: “Bəli, belə bir hadisə olub və polislə oğlum arasında kiçik mübahisə düşüb. Oğlum artıq azadlıqdadır”.

Bizimxeber.az 



Şərh əlavə edin







Yuxarı Geri Ana səhifə