Əli İnsanova yeni maddələrlə neçə il həbs düşür? -CƏZALAR
Əli İnsanova yeni maddələrlə neçə il həbs düşür? -CƏZALAR
24 Avqust 2016 / 18:40 / Baxış sayı: 1108
Font1 Font2 Font3 Font4
Bizimxeber

Həbsdə olan sabiq səhiyyə naziri Əli İnsanova qarşı irəli sürülmüş yeni ittihamlar bəlli olub. Lent.az-ın məlumatına görə, sabiq nazirə 3 yeni maddə ilə ittiham irəli sürülüb.

Maddə: 234.1.

Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama

— üç ilədək müddətə azadlıqdan məhrum etmə ilə cəzalandırılır.

Maddə: 315.2.

Xidməti vəzifələrini yerinə yetirməsi ilə əlaqədar hakimiyyət nümayəndəsinə zor tətbiq etmə, zor tətbiq etməklə müqavimət göstərmə və ya onun yaxın qohumlarına qarşı həyat və sağlamlıq üçün təhlükəli olan zor tətbiq etmə

— üç ildən yeddi ilədək müddətə azadlıqdan məhrum etmə ilə cəzalandırılır.

Maddə: 317.2.

Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi

— altı ayadək müddətə azadlıqdan məhrum etmə ilə cəzalandırılır.

Qeyd edək ki, sabiq nazir sabiq səhiyyə naziri Əli İnsanov 2005-ci ilin oktyabr ayında həbs olunub. Ə. İnsanov dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham olunub. 2007-ci ilin aprel ayında əmlakı müsadirə olunmaqla 11 il müddətinə azadlıqdan məhrum olunub. Əli İnsanovun cəza müddətinin başa çatmasına bir neçə ay qalırdı.

Bizimxeber.az



Şərh əlavə edin







Yuxarı Geri Ana səhifə