Əli İnsanov: “Heç bir ittiham məni mübarizəmdən çəkindirə bilməz”
Əli İnsanov: “Heç bir ittiham məni mübarizəmdən çəkindirə bilməz”
25 Avqust 2016 / 15:16 / Baxış sayı: 1002
Font1 Font2 Font3 Font4
Bizimxeber

“Heç bir ittiham, təzyiq, təsir məni mövqeyimdən və mübarizəmdən çəkindirə bilməz. Mən nikbinəm və sakitəm. Mübarizəmi sonadək davam etdirəcəm”.

Bu bəyanatı “Amerikanın Səsi”nə vəkil Toğrul Babayev sabiq səhiyyə naziri Əli İnsanova istinadən verib. Vəkilin sözlərinə görə, İnsanov psixoloji cəhətdən bu ittihamlara hazır idi. “Səhhətində də heç bir problem yoxdur”.

Virtualaz.org xatırladır ki, Qaradağ Rayon Prokurorluğu dünən sabiq səhiyyə naziri Əli İnsanova qarşı Cinayət Məcəlləsinin üç maddəsi ilə yeni ittiham irəli sürüb.

Sabiq nazir indi CM-nin 234.1 (Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri ilə ittiham olunur.

Bizimxeber.az



Şərh əlavə edin







Yuxarı Geri Ana səhifə