“Əhali arasında tibbi maarifləndirmə işinin təşkili” layihəsi başa çatdı
“Əhali arasında tibbi maarifləndirmə işinin təşkili” layihəsi başa çatdı
31 Avqust 2016 / 12:45 / Baxış sayı: 664
Font1 Font2 Font3 Font4
Bizimxeber

29.08.2016-cı il tarixində Ağdam rayon Mədəniyyət evinin iclas zalında layihənin yekun hesabat konfransı keçirildi. Konfransın məqsədi layihənin yekunu ilə bağlı təqdimatın keçirilməsi idi. Tədbiri Azərbaycan Respublikasının Prezidenti yanında QHT-lərə Dövlət Dəstəyi Şurasının üzvü Emin Həsənli açaraq yığıncaq iştirakçılarını salamladı və Qarabağ döyüşlərində şəhid olanlar bir dəqiqəlik sükutla yad edildi.

Tədbirdə Ağdam rayon İH-nin Təhsil,Səhiyyə və Mədəniyyət məsələləri üzrə müavini Ağa Zeynalov, Ağdam rayon Hərbi Komisarı Elxan Feyziyev, Ağdam rayon Mərkəzi Xəstəxanasının Baş həkimi Bəxtiyar Haqverdiyev, Tərtər rayon İH Başçısının Həsənqaya ərazi dairəsi üzrə nümayəndəsi İlqar Qasımov, Laçın Rayon İH-nin şöbə müdiri Məmməd Süleymanov, Bərdə rayonudan 104 saylı Kəlbəcər məktəbinin direktoru Qələndər Zeynalov, 41 saylı köçkün məktəbini direktoru Zamin Əhmədov, 111 saylı Ağdam köçkün məktəbinin direktoru Məlahət Musayeva, Füzuli rayonu Qayıdış qəsəbəsindən Elza Abdullayeva, Ağdam Təhsil Şöbəsi Metodkabinetin rəhbəri Əhməd Rüstəmov,Ağdam Təhsil Şöbəsinin Hərbi kabinetin rəhbəri Xalıqverdi Cəfərov və başqaları iştirak etdilər.

Layihə rəhbəri T.Dadaşov layihə çərçivəsində görülən tədbirlərdən danışdı.Bildirdi ki, Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə “Tərəqqi” Sosial İnkişaf İçtimai Birliyi “Əhali arasında tibbi maarifləndirmə işinin təşkili” layihəsinin icrasını başa çatdırmışdır. Layihənin əsas məqsədi Ağdam,Bərdə ,Ağcəbədi, Tərtər ,Göranboy, Füzuli rayonlarının cəbhəyani ərazilərində yaşayan əhali və müvəqqəti məskunlaşan qaçqın və məcburi köçkünlərin tibbi biliklərinin artırılması, ərazidə yaşayan insanların tibbi və psixoloji durumlarının yaxşılaşdırılması məqsədilə maarifləndirmə işinin aparılamsı və tibbi kursların təşkil edilməsindən ibarət olmusdur .

Layihə çərçivəsində Ağdam,Ağcabədi,Bərdə və Tərtər rayonundan 48 qız və hərbi xidmətə gedəcək 24 oğlan üçün tibbi bacarıqları öyrətmək məqsədilə ilk tibbi yardım kursların təşkil olundu. Cəbhəyani ərazidən olan gənc qadınlara tibbi yönümdə tövsiyyələr verildi. Cəbhəyanı rayonların əhalisi arsında psixoloji təlimlər keçirildi. Layihədə əməyi olan hər kəsə təşəkkür etdi. Layihə ətrafında iştirakçılar öz fikirlərini bildirərək mövzunun aktuallığını bildirdilər.

Tədbir iştirakçıları öz çıxışlarında insanların dünyada normal həyat sürməsi və fəaliyyət göstərməsi üçün lazım olan amillərdən ən başlıcasının sağlamlıq olduğunu söylədilər və bildirdilər ki hər kəs tibbi biliyə malik olmalı və öz sağlamlığını qorumağı bacarmalıdır. Bu hərbi xidmətə gedəcək oğlanlar üçün daha vacibdir.

Valideynlər də insan həyatı üçün ən vacib amillərdən olan sağlamlığa yüksək qiymət verərək tibbi maarifləndirmənin vacib olduğunu qeyd etdilər və davamlı olması üçün Dəstək Şurasına çatdırılmasını xahiş etdilər.

Çıxış edən maarifləndirmə kursunun iştirakçıları Nuriyyə Səfərova və Aliyə Quliyeva qazandıqları tibbi biliyə görə Azərbaycan Respublikasının Prezidenti yanında QHT-lərə Dövlət Dəstəyi Şurasına və Tərəqqi Sosial İnkişaf İB-nin kollektivinə təşəkkürlərini bildirdilər. Bu işdə əməyi olan müəllimləri Həkim S.Feyziyeva və psixoloq S. Məmmədovanın əməyini yüksək qiymətləndirdilər. Tədbirdə tibbi maarifləndirmə kursunda fəal iştirak etmiş 72 nəfərə setifikatlar verildi. Sonda xatirə şəkli çəkildi .

Bizimxeber.az



Şərh əlavə edin







Yuxarı Geri Ana səhifə